الشاعـر محمد بن راشد الراشد البوعينين

[Dana]

هذي قصيده للشاعر محمد بن راشد الراشد البوعينين


قم يا سعد وركب على كورعانــس = جليله مثاني يعجب العين شوفها

من دار من له في سما المجد طارق = حامي جوانبها وداهن احفوفها

ينادي مناديها ويسعد قبالهـــا = بدوام عبدالله وحامي كنوفها

ترى داركم قامت بعز ومهابـــه = بنتها حرار فرسها من كفوفها

وتلمنا دار شرقنا بعزهـــا = بنوها قرايبنا بمقبض سيوفها

رسم به العينين شاعت وشيعت = لنا الجود والعليا ورثنا وقوفها

بنو دارم ومن ذروة تميم وتنتمى = بفرع الندى موري سناها ضيوفها

ودي اعرف مناسبه هذه القصيده وموجهه لمن ؟ :sss (90):

[عيون القصيد]

مشكوووووووره اختي على النقل الطيب
وانشاءالله مع الايام بتعرفين موجهه لمين

[السبيعي]

تسلمين أختي دانه على القصيده

[مايهم]

<---- من الراشد :)

بس للاسف هالقصيده مااعرف لمن موجهه:(

بس انشالله جاري البحث والتقصي وانشالله نقدر نوصل لمن موجهه هالقصيده

[Dana]

عيون القصيد >> العفـــــو وان شاء الله الساعات الجايه اعرف مستعجله :sss (26):

السبيعي >> الله يسلمك وشكرا لك :sss (80):

مايهم >> نتشرف والله يعينك وجيب لنا الخبر اليقين :sss (87):

[الشاهيني]

مشكوره اختي الدانة على هذا النقل

والله يعطيج العافية

بس ياليت تكون القصيدة بتنسيق افضل

قم يا سعد وركب على كورعانــس.......... جليله مثاني يعجب العين شوفها

من دار من له في سما المجد طارق.......... حامي جوانبها وداهن احفوفها

[Dana]

الشاهيني > العفــو والله يعافيك

وشكـــرا على الفكره الحين بطبقها عجزت قبل وانا اعدلها ماتضبط

[Dana]

يا عالم ووووين الاجابه :sss (86):

وكون شاكره لكم

سلاااااام

[عابر سبيل]

مشكوره أختي على النقل المميز

وصح السانه

[مايهم]

وخيتي دانه هذي ماجادت به مطامراتي الانترنتيه وانشالله تكوون كافيه لفضولك للاطلاع على قصه هالقصيده

احيي فيك حب الاطلاع هذا والى الامام انشالله وعقبال ماتصيرين مرجع تاريخي انشالله
والله يقدرنا ونزودك بمثل هالاشياء واي احد عنده تعليق لايمنع ذلك

ومن قصائد الشيخ الشـاعر محمد بن راشد الراشد آل بوعينين قصيدته التي أرسـلها مع رسوله سعد بن عيد العيوني آل بوعينين إلى بعض جماعته الذين اضطروا للبقاء في قطر بسبب ظروفا ما أعاقت رحيلهم معه إلى عينين ..
وهو في قصيدته هذه يستحثهم على الرحيل واللحاق بمن سبقهم في الجلوة الأولى والجلوة الثانية ..
ونذكر من قصيدته هذه الابيات:


قم يا سعد وأركب على كور عانـس=جليلة مثاني يعجـب العيـن شوفـا
من ساس هجنٍ شامخ النـاب بـازل=دانـت حلاياهـا وتمـت وصوفـا
زينة مواري ما بعـد شـاخ سنهـا=على أول بتاسع عام واقف عسوفـا
ما ساقها الحادي مع فجة الضحـى=ولا البادي المقبل قبض مـن خلوفـا
بزيـت وبازيهـا طـوالٍ إحيالـهـا=بقطـع الفيافـي والتنايـف تنـوفـا
إلى صار لـه لازم ومبلـغ رسالـه=طـوالٍ وملـزومٍ يبلـغ أحـروفـا
يجعـل علـى كدّهـا فـوق شدّهـا=يقطّـب كلايفـهـا ولازم يحـوفـا
دع الشرح وإسرح لاتجي فيك ريبه=بأول نهـارك مـع قطيفـك تطوفـا
إلى باردت لاهي مع الظـل جافـل=ايـاك تكلفهـا وتـرفـع أخفـوفـا
وأسري ترى المسرى يجي فيه راحة=تحمـد عواقبهـا ويَمّنْـك خـوفـا
وإبتل بسيرك يا فتى الجود وإسمـع=ممساك بـأم حويـض لازم تلوفـا
مصباحك المقطع مع النـور طالـع=مدهـال ساعيهـا ومجلـب صنوفـا
وأصلـب بسيـرك يـم دارٍ تدلهـا=قيّـل مكينسهـا وتفـهـق طفـوفـا
روّح تجي ربعـك بوقـت وسفيـرهقبل الغروب وقبل حـروة أحفوفـا
منصاك ربعي خصهم دون غيرهـم=وإطـرح كلايفهـا وريّـح كلـوفـا
بجوارهـم تلقـى مقـام وكـرامـة=لك الله يجمع حيلهـا مـع أهروفـا
شرعٍ لهم سابـق وميـراث والـدو=ما ورّث الوالد نشـت بـه صفوفـا
إذا جيتهم فأخبر ترى عـز دارهـم=يطرب صغار السن مصلح عروفـا
وأعرض لهم بالشـور والله مساعـد=شور الهدى يشفي ويبـري حسوفـا
من رد ماكنه شرد مثل مـا مضـى=ترى العز في الدنيا وجمـع شفوفـا
ما ضاع مـن قـال اللآمـا مَعَـزه=ومن جرّب الدنيا بدت لـه وصوفـا
بوصوفها تبدي لكـم حـال غيركـم=والعز في اللآمـا وجمعـاً عطوفـا
عطف التوادد يظهـر الحقـد منكـم=ويسقـي معاديكـم مرايـر حسوفـا

تكفون شومـوا أصلـح الله شانكـم=شوموا عسى عصر التجافي عصوفا
شوموا ولوموا مـن تبقـى خلافكـم=خلـوا مبانيهـا وهـدوا شـروفـا
ترى داركـم قامـت بعـز ومهابـه=بنتها حـرارٍ فرسهـا مـن كفوفـا
ترى الدار قامت وأستقامت بعزهـم=بأرباح تاجرهـا ومكسـب ضعوفـا
تعيضكم في شينـة الوجـه ملحـس=دار جفتكم وأسرفـت فـي عنوفـا
عساكم لنصحي تسمعون لنصيحتـي=تجيبـون للداعـى عساهـا ذلـوفـا
تشوفون عقب الضيم والشين والجفا=عـز لكـم طالـع وخيـرٍ ينـوفـا
والله لـولا قربكـم دون غيـركـم=ورجواي فيكـم تسرعـون بكسوفـا
تخلون دار الـذل بأرغـام ضدكـم=تعافون لاماهـا وجرعـة صروفـا
إنـي مفارقهـا فـلـولا فراقـكـم=أشوف يعري بالعـرى مـن حلوفـا
أنتم شفى روحي وعزي وعزوتـي=عسى الله يآمركـم ونقشـع سقوفـا
وتلمـنـا دارٍ شرفـنـا بـعـزهـا=بنوهـا قرايبنـا بمقبـض سيـوفـا
رسمٍ به العينيـن شاعـت وشيعـت=لنا الجـود والعليـا ورثنـا وقوفـا
بنـو دارمٍ ذروة تمـيـمٍ وتنتـمـي=لفرع الندى موري سناهـا ضيوفـا
لنا طارقٍ بالضيـف فخـرٍ وعـادةٍ= ورثناه عن جدٍ سلـف مـن سلوفـا
عسى الله يا مرنا بذا الـدار نجتمـع=على طاعته والجمـع فيهـا طروفـا
يستـر عـز الـدار ويفـوز حيهـا=ويفـرح بلاماهـا شفيـقٍ يشـوفـا
تمت وصلى الله على سيـد الـورى=عدد نوض بـراقٍ وهبـت أشحوفـا

وعلى الآل تغشاهم وعمة صحابتـه=نجوم الهدى يهدي لها مـن يشوفـا

[Dana]

مايهم > مشكور وتعبناك معنا

القصيده الي انا حطيتها مش مطابقه للقصيده الي انت حطيتها

ومره ثانية يعطيك العافيه وما قصرت

سلاااااااااااام

[مايهم]

مرحبا دانه ..

انا اعتمدت على مطلع القصيده اللي انتي حاطتها وهي

قم يا سعد وركب على كورعانـس=جليله مثاني يعجب العيـن شوفهـا

بس على ضوء مشاركتك السابقه ان من الظاهر من القصيده هذي وواضح ان المناسبه هي ان الشيخ الشاعر يستحث جماعته على الرحيل واللحاق بمن سبقهم في الجلوة الأولى والجلوة الثانية في البيت اللي يقول

شوموا ولوموا من تبقـى خلافكـم=خلـوا مبانيهـا وهـدوا شـروفـا

بس مااعتقد ان فيه قصيده بنفس المطلع ونفس الوزن لشاعر ثاني الظاهر ان فيه لبس في الموضووع

السموحه على الإطاله وكان ودي افيدك اكثر من كذا

[Dana]

والله مادري شسالفه انا ضعت بين هالقصيدتين

يمكن انا حطيتها مختصره وانت جبتها كامله

وشكرا مره ثالثه

سلاااااااااام

[مايهم]

العفوووو دانه وانشالله تقدرين تطلعين اكثر على مثل هالمواضيع ومايكون عندك لبس

[الشاهيني]

القصيدة الصحيحه قصيدة مايهم

والي انتي حطيتيها الدانه قصيدة خطاء

مشكور اخوي مايهم على القصيدة الصحيحه

والله يعطيك العافيه

[غزال وماينصاد]

تسلمين اختي

[Dana]

العفوووووو وشكـــرا لكم جميعا

[المتعني]

الله لا يهينج يا الدانه انقلي القصيده عدل لانا القصيده الاولى فيها اضافات وارجو عدم العب بالقصايد الشيوخ ونتو جالسين تلعبون في التاريخ لانا الشيخ محمد بن راشد لم يذكر اسما وارجو اصلاح القصيده وشكرا

[(ولد البوعينين)2]

تسلمين اختي الدانه على الموضوع
ومافي واحد مايخطي:sss (90):

[Dana]

الله لا يهينج يا الدانه انقلي القصيده عدل لانا القصيده الاولى فيها اضافات وارجو عدم العب بالقصايد الشيوخ ونتو جالسين تلعبون في التاريخ لانا الشيخ محمد بن راشد لم يذكر اسما وارجو اصلاح القصيده وشكرا

الموضوع من سنه كح كح

المتعني انا نقلت القصيده لا اكثر ولا اقل :sss (92):

ومايهم صلح القصيده والشاهيني اكد على القصيده الصح وبس لا في لعب في التاريخ ولا شي

(ولد البوعينين) 2 تسلم وبعدين انا ما خطيت :sss (86):

[ناصر الراشد]

الله لا يهينج يا الدانه انقلي القصيده عدل لانا القصيده الاولى فيها اضافات وارجو عدم العب بالقصايد الشيوخ ونتو جالسين تلعبون في التاريخ لانا الشيخ محمد بن راشد لم يذكر اسما وارجو اصلاح القصيده وشكرا

للاسف انت فهمت غلط

هي غلطت بالقصيدة وعدلها لها الشاهيني

لا اكثر ولا اقل

ومحد لعب في قصايد الشيوخ

[خليد عينين]

رحم الله ذلك الشيخ الشاعر محمد بن راشد آل بوعينين

الله يعطيك العافيه اختي على النقل .....

الله يبيض وجهك( مايهم )على قمت به من تفاعل مع الموضوع...

[احمد بن علي]

رسمٍ به العينيـن شاعـت وشيعـت لنا الجـود والعليـا ورثنـا وقوفـا
بنـو دارمٍ ذروة تميـمٍ وتنتـمـي لفرع الندى موري سناهـا ضيوفـا
لنا طارقٍ بالضيف فخـرٍ وعـادةٍ ورثناه عن جدٍ سلـف مـن سلوفـا
عسى الله يا مرنا بذا الـدار نجتمـع على طاعته والجمع فيهـا طروفـا
يستر عـز الـدار ويفـوز حيهـا ويفـرح بلاماهـا شفيـقٍ يشوفـا

صح لسانه والله يرحمه ويرحم موتانا اجمعين
لاهنتي يالشيخه

[Dana]

كلكم مرسي عـ التفاعل