أبي أعرف ردت فعلكم على هالمواقف [الأرشيف]

3inain

30-08-2007, 06:23 PM

مساء الخير والأحساس والطيبه ...

في كثير من الاوقات واحنا طالعين بالسيارة قد نصادف احداث قد تثير غضبنا والواجب من كل شخص وهو يقود السيارة أن يوسع صدره للاخرين ومن هذه المواقف :-

أنه واحد ملحم وراك بالسيارة ويعطيك ( يفوللك )(( يكبسلك )) (( يديملك )) يبي يتجاوزك ومن يمينك سيارة ومن خلفك سيارة شردت فعلك ؟

أنه واحد ماشئ أمامك بسيارته وانته خلفه فجأة ينعطف بدون أي اشارة حتى كدت ان تصدمة من الخلف خبرونى شو ردة فعلكم ؟

انه انت تريد توقف في موقف للسيارات طبعا بعد بحث لقيتلك موقف وفجأه يجي واحد ويسبقك للموقف بدون اي اعتبار لك شو موقفكم يكون ؟

أنه انت تقود بسيارتك وبسرعة كبيرة ويدخل عليك واحد بسيارته ويسوق على مهلة لدرجة انك دست على الفرامل بقوة شو ردة فعلكم ؟

أنه انته صاف طابور بسيارتك فى الزحمة يحدث كثير وبالساعات ويجي واحد توه واصل ويصف امامك شو ردة فعلكم ؟

ارجو من الجميع المشاركه حتى البنات وانتي قاعده ورا وصارلج هالموقف ايش ردت فعلج :sss (90):

Dana

30-08-2007, 09:36 PM

عادي عادي تصير

وفي النهاية السواقه فن وذوق

سلااااااام

الغزال العارضيه

30-08-2007, 09:43 PM

اهوو اكييد اني مابقدر اقوول حق هالاشخاااص اللي يتسببوون عليناا شي لان ورااي احد يمنعني *_^((وااحد من شبيبة البييت ولا الوالد )) بس من ورااهم باقعد ادعي عليه واتحسب لانه هالمواااقف بصرااحه تقهرر مع ان مب اناا اللي اسووق *_^ .... بس مااقول الا الله يعيين البحرين علي هههههههه

يسلموووو اخووي عينين على الموضووع الحلوو *_*

الزينة

31-08-2007, 03:39 AM

أنه واحد ماشئ أمامك بسيارته وانته خلفه فجأة ينعطف بدون أي اشارة حتى كدت ان تصدمة من الخلف خبرونى شو ردة فعلكم ؟

انا مع السايق ورا وانفعل واسب بالمتهورين الا انا الي اسووق ..

انه انت تريد توقف في موقف للسيارات طبعا بعد بحث لقيتلك موقف وفجأه يجي واحد ويسبقك للموقف بدون اي اعتبار لك شو موقفكم يكون ؟

بخلييه يبركن وبعدين بنزل من السياااره وبحك سيارته بربيه<<شريره بس هم يستاهل

أنه انت تقود بسيارتك وبسرعة كبيرة ويدخل عليك واحد بسيارته ويسوق على مهلة لدرجة انك دست على الفرامل بقوة شو ردة فعلكم ؟

وااااااااي باشر له يسفط ع جنب وبكفخه تكفخ بس انا بنت مايصير فباتجاوزه وبدوووووووووس خخ

أنه انته صاف طابور بسيارتك فى الزحمة يحدث كثير وبالساعات ويجي واحد توه واصل ويصف امامك شو ردة فعلكم ؟

باقوله اذا تبي حياتك ارجع ورااا

طبعاااااا كل كلامي شلخ لان عمري مابسوق<<خوافه بس باقول للسايق يسوي الي قلته...

مشكووووووووووور عينين وماقصرت ع الموضوع..

ريم البوادي

01-09-2007, 01:06 PM

والله انا ووحده ما اقدر ارد عليه لكن اتحسب و ادعي عليه و ادعي له بالهدايه بس

تسلمين عينين على المووضووع ...

تقبلي مروري

النوخذه

02-09-2007, 08:48 AM

أنه واحد ملحم وراك بالسيارة ويعطيك ( يفوللك )(( يكبسلك )) (( يديملك )) يبي يتجاوزك ومن يمينك سيارة ومن خلفك سيارة شردت فعلك ؟

بصراحه بصك بريك في وجهه

أنه واحد ماشئ أمامك بسيارته وانته خلفه فجأة ينعطف بدون أي اشارة حتى كدت ان تصدمة من الخلف خبرونى شو ردة فعلكم ؟

امممم بحرق الهرن بس ابرد خاطري خخخخخخخخخ

انه انت تريد توقف في موقف للسيارات طبعا بعد بحث لقيتلك موقف وفجأه يجي واحد ويسبقك للموقف بدون اي اعتبار لك شو موقفكم يكون ؟

هههههههههه
بقولكم مره صارتلي نفس الحركه وكلمته وماطلع والمشكله انه مقيم
جان ادعمه :sss (64):

أنه انت تقود بسيارتك وبسرعة كبيرة ويدخل عليك واحد بسيارته ويسوق على مهلة لدرجة انك دست على الفرامل بقوة شو ردة فعلكم ؟

انا انسان مسالم يمكن اشطفه ولا اضرب سيارته بالمرايه

أنه انته صاف طابور بسيارتك فى الزحمة يحدث كثير وبالساعات ويجي واحد توه واصل ويصف امامك شو ردة فعلكم ؟

لا هذي انا اسويها محد يسويها فيني :sss (93):

مايهم

02-09-2007, 11:45 AM

أنه واحد ملحم وراك بالسيارة ويعطيك ( يفوللك )(( يكبسلك )) (( يديملك )) يبي يتجاوزك ومن يمينك سيارة ومن خلفك سيارة شردت فعلك ؟

اسفهه لين اقدر اخليه يتجااوز ولا تخلو العمليه من النحاسه

أنه واحد ماشئ أمامك بسيارته وانته خلفه فجأة ينعطف بدون أي اشارة حتى كدت ان تصدمة من الخلف خبرونى شو ردة فعلكم ؟
عادي توقع اخطاء الغير

انه انت تريد توقف في موقف للسيارات طبعا بعد بحث لقيتلك موقف وفجأه يجي واحد ويسبقك للموقف بدون اي اعتبار لك شو موقفكم يكون ؟

بكل بساطه انزل من السياره وارووح له اقوول له يالاخو سلام هالشووف ماتشووفني انتظر وببتساامه اخليه يستحي على وجهه واذا مااستحر ياوييله

أنه انت تقود بسيارتك وبسرعة كبيرة ويدخل عليك واحد بسيارته ويسوق على مهلة لدرجة انك دست على الفرامل بقوة شو ردة فعلكم ؟

عااادي اصلا لازم اتوقع اخطاء الغير

أنه انته صاف طابور بسيارتك فى الزحمة يحدث كثير وبالساعات ويجي واحد توه واصل ويصف امامك شو ردة فعلكم ؟

ساعاات تصير وتحتر بس عادي كانك موب انت

يعطيك العافيه على هالموضوع الزين ياعينين وننتظر جديدك

3inain

02-09-2007, 11:54 AM

اشكركم حبابيبي على الردود الجميله

دانه
والله انج صادقه

الغزال
الله يعينهم ههههههههههه

الزينه
بخلييه يبركن وبعدين بنزل من السياااره وبحك سيارته بربيه<<شريره بس هم يستاهل
وااااو شريره

ريم البوادي
والله اني واحد ماتشوفين صبعي فالتوقيع ههههههههههه

النوخذه
اعصابك هدئ من روعك

مايهم
ان انسان رايق مخلي القرعا ترعا

GEGE

04-09-2007, 05:46 PM

أنه واحد ملحم وراك بالسيارة ويعطيك ( يفوللك )(( يكبسلك )) (( يديملك )) يبي يتجاوزك ومن يمينك سيارة ومن خلفك سيارة شردت فعلك ؟

اعاند ما اخليه الا اذا شفت عيونه تدمع خخخخخخخخ

أنه واحد ماشئ أمامك بسيارته وانته خلفه فجأة ينعطف بدون أي اشارة حتى كدت ان تصدمة من الخلف خبرونى شو ردة فعلكم ؟

بطق هرن لين يسكر اذنه من الصوت

انه انت تريد توقف في موقف للسيارات طبعا بعد بحث لقيتلك موقف وفجأه يجي واحد ويسبقك للموقف بدون اي اعتبار لك شو موقفكم يكون ؟

بنزل من السياره وبكلمه بالطيب انه يوخر واذا ما وخر بنطره لين يدخل المكان اللي يبي يدخله وافقع كفر سيارته عشان يتعلم

أنه انت تقود بسيارتك وبسرعة كبيرة ويدخل عليك واحد بسيارته ويسوق على مهلة لدرجة انك دست على الفرامل بقوة شو ردة فعلكم ؟

اروح السيد الثاني و أشر له يعني شفيك انت غبي ماشي بشويش

أنه انته صاف طابور بسيارتك فى الزحمة يحدث كثير وبالساعات ويجي واحد توه واصل ويصف امامك شو ردة فعلكم ؟

اشوفه بالمرايا قبل لا يجي قدامي ادعسسسس الصق بالسياره اللي قدامي خخخخخ

تسلم على الأسئله

3inain

06-09-2007, 05:42 PM

ههههههههههههههههه
تسلمين على المرور والاجوبه الحلوه

ربيبة تميم

07-09-2007, 09:13 PM

أنه واحد ملحم وراك بالسيارة ويعطيك ( يفوللك )(( يكبسلك )) (( يديملك )) يبي يتجاوزك ومن يمينك سيارة ومن خلفك سيارة شردت فعلك ؟

باروح على صوب لأن سبحان الله يمكن عنده شي ضروري يعني محتاج المستشفى ولا شي بعد كل واحد و ظروفه ....

أنه واحد ماشئ أمامك بسيارته وانته خلفه فجأة ينعطف بدون أي اشارة حتى كدت ان تصدمة من الخلف خبرونى شو ردة فعلكم ؟

الصراحه من صبة القلب باقعد اسبه سب و بانفعل شويونه و بعدين الأمور تمشي تمام التمام

انه انت تريد توقف في موقف للسيارات طبعا بعد بحث لقيتلك موقف وفجأه يجي واحد ويسبقك للموقف بدون اي اعتبار لك شو موقفكم يكون ؟

امممممم با عصب و با خليه ينزل من سيارته و لين نزل با بطل الفول ديم في عيونه عشان مره ثانيه يشوف عدل اذا البارك اللي بياخذه في احد قبله كان ناوي ياخذه ولا لا

أنه انت تقود بسيارتك وبسرعة كبيرة ويدخل عليك واحد بسيارته ويسوق على مهلة لدرجة انك دست على الفرامل بقوة شو ردة فعلكم ؟

باروح السيد الثاني و بابطل الدريشه و باقول له اذا ناوي تكون بطه امش صوب اليمين ما تيود يسار و بصراخ (( اذا كنت اصبي طبعاً ))

أنه انته صاف طابور بسيارتك فى الزحمة يحدث كثير وبالساعات ويجي واحد توه واصل ويصف امامك شو ردة فعلكم ؟

هذي الحركه ياما تصير في الجسر ابوي تكون الأمور عنده ايزي و انه اموت من القهر و اسب و اشتم شتم ههههههه

3inain

09-09-2007, 05:53 PM

ثانكس ربيبه بس هدي اعصابج خلج ريلاكس

غلاوي

19-09-2007, 03:12 AM

أنه واحد ملحم وراك بالسيارة ويعطيك ( يفوللك )(( يكبسلك )) (( يديملك )) يبي يتجاوزك ومن يمينك سيارة ومن خلفك سيارة شردت فعلك ؟

اجنوووور خخخ،، يعني مافي مجال اطلع شسويله يستحمل واذا كان عنده طوارئ خل هو يتصرف ويتجاوز ههههه

أنه واحد ماشئ أمامك بسيارته وانته خلفه فجأة ينعطف بدون أي اشارة حتى كدت ان تصدمة من الخلف خبرونى شو ردة فعلكم ؟

ممكن اعصب شوي وممكن امشي حالي هع

انه انت تريد توقف في موقف للسيارات طبعا بعد بحث لقيتلك موقف وفجأه يجي واحد ويسبقك للموقف بدون اي اعتبار لك شو موقفكم يكون ؟

بقتهر وبعصب بس مستحيل اكلمه،، يمكن اوقف اطالعه شوي عل وعسى يحس على دمه هههه

أنه انت تقود بسيارتك وبسرعة كبيرة ويدخل عليك واحد بسيارته ويسوق على مهلة لدرجة انك دست على الفرامل بقوة شو ردة فعلكم ؟

بتنرفز وبلحم بسيارته عشان يوخر واذا طلع ماعنده احساس بتجاوزه خطافي *ـ*

أنه انته صاف طابور بسيارتك فى الزحمة يحدث كثير وبالساعات ويجي واحد توه واصل ويصف امامك شو ردة فعلكم ؟

في الغالب اسلم للامر الواقع ههههههههه

الصراحه انا مزاجيه في هالمواقف يعني في الغالب اجنووووووور وساعات اتنرفز بس بعد ماسوي شي هههههه >> بعدين لازم الواحد يخلي باله ويتسامح الاغلاط وارده ^^

تسلم اخوي على الطرح الحلو ويعطيك العافية

3inain

02-10-2007, 11:59 AM

تسلمين على المشاركه الجميله

وخلج اجنووووور :sss (95):

صدى الجروح

02-10-2007, 10:09 PM

أنه واحد ملحم وراك بالسيارة ويعطيك ( يفوللك )(( يكبسلك )) (( يديملك )) يبي يتجاوزك ومن يمينك سيارة ومن خلفك سيارة شردت فعلك ؟

اعاااااااند واهدي من السرعة بعد واول مااشوفه يتجاوزني أسرع ........ عشان ينقهر قهر....((حركات بنات))
أنه واحد ماشئ أمامك بسيارته وانته خلفه فجأة ينعطف بدون أي اشارة حتى كدت ان تصدمة من الخلف خبرونى شو ردة فعلكم ؟

ماشاااء الله على هرن سيارتي ماقصر والله .... راح ازعجه لين اخليه يندم وياخذ حذره مرة ثانية .. ولو كنت ولد يمكن افلعه بأي شي موجود عندي

انه انت تريد توقف في موقف للسيارات طبعا بعد بحث لقيتلك موقف وفجأه يجي واحد ويسبقك للموقف بدون اي اعتبار لك شو موقفكم يكون ؟

على باله اني باخليه لاااا ياعم تطلع غصب عليك وصارت لي هالحركة من قبل وفعلا طلع استحى على ويهه .... بعدين زوجته كانت معاه هي اللي خلته يطلع ...... (( يحليلي مستانسة))
أنه انت تقود بسيارتك وبسرعة كبيرة ويدخل عليك واحد بسيارته ويسوق على مهلة لدرجة انك دست على الفرامل بقوة شو ردة فعلكم ؟

عااااادي ..... اتجاوزه وامشي قدامه وامشي بسرعة اقل من سرعته لـــــــــــين تنبط جبده ويتوب يسوي روحه سلحفاه رقيقة

أنه انته صاف طابور بسيارتك فى الزحمة يحدث كثير وبالساعات ويجي واحد توه واصل ويصف امامك شو ردة فعلكم ؟

والله آنا نحاااااسة اول مااشوف واحد بس يبي يدخل على طول الصق بالسيارة اللي قدامي .... أما إذا استأذن لا طبعا اخليه ....... أهم شي الاستئذان

3inain

03-10-2007, 05:04 AM

يعطيج العافيه يا صدى الجروح على المشاركه الجميله

غروري ضروري

11-10-2007, 06:14 AM

السواااقة فن وذوق وأدب....

وانا عن قريب باخذ الليسن وبتصيرلي هالأشيا ع الهوا مباشرة .....
وبقوولك عينين ردة فعلي فريش...

وتسلم ع الموضوع ...

إختك :
غروري :)

3inain

21-10-2007, 05:26 PM

يالله الله يوفقج

قاعد انتظر ههههه

الفجر البعيد

21-10-2007, 06:22 PM

أنه واحد ملحم وراك بالسيارة ويعطيك ( يفوللك )(( يكبسلك )) (( يديملك )) يبي يتجاوزك ومن يمينك سيارة ومن خلفك سيارة شردت فعلك ؟

بعد شاسوي اذا هو عمي ومايشوووف

أنه واحد ماشئ أمامك بسيارته وانته خلفه فجأة ينعطف بدون أي اشارة حتى كدت ان تصدمة من الخلف خبرونى شو ردة فعلكم ؟

اذا بنت عااادي باكلمهاا اذا ريال باخذ رقم سيارته وباقول حق ابوي بس ابوي اعصابه بارده خاالي احسن

انه انت تريد توقف في موقف للسيارات طبعا بعد بحث لقيتلك موقف وفجأه يجي واحد ويسبقك للموقف بدون اي اعتبار لك شو موقفكم يكون ؟

بابركن ورى سيارته

أنه انت تقود بسيارتك وبسرعة كبيرة ويدخل عليك واحد بسيارته ويسوق على مهلة لدرجة انك دست على الفرامل بقوة شو ردة فعلكم ؟

اول شي باهرن هرااانه عقب بارووح جدامه وبامشي اقل منه

أنه انته صاف طابور بسيارتك فى الزحمة يحدث كثير وبالساعات ويجي واحد توه واصل ويصف امامك شو ردة فعلكم ؟

ذي عااادي لانه وااايد تصير

وتسلم على الموضوووووع الحلو

Freedom

21-10-2007, 08:39 PM

أنه انت تقود بسيارتك وبسرعة كبيرة ويدخل عليك واحد بسيارته ويسوق على مهلة لدرجة انك دست على الفرامل بقوة شو ردة فعلكم ؟

قبل كم يوم صاري هذا الموقف بس من القهر ان الشخص يوم انه نزل من سيارته مقال اسف وغير
نزل كنه ماسوى شي جيته علقت على الهرن المهم قلتله لو صار حادث قال عادي

بس برت الحره هو من طخت 70

بياع الورد

21-10-2007, 11:37 PM

الحمد لله اني ما اشيل السلاح معاي

و لا كان عدد القتلى في ازدياد مستمر و قد يفوق قتلى الحرب العالمية 2 ...:sss (93):

3inain

23-10-2007, 08:22 AM

الفجر البعيد الله يعطيج العافيه على المرور والتفاعل الجميل

نايف أعصابك وخلك ريلاكس واشكرك على التفاعل

3inain

23-10-2007, 08:23 AM

الله يستر منك يابياع بس مايبين عليك

شكلك رايق

بياع الورد

23-10-2007, 11:27 AM

امزززززززح:sss (93):

3inain

23-10-2007, 10:21 PM

هههههههههههههههه

الله يعطيك العافيه

بوراشد آل بوعينين

28-10-2007, 05:26 PM

أنه واحد ملحم وراك بالسيارة ويعطيك ( يفوللك )(( يكبسلك )) (( يديملك )) يبي يتجاوزك ومن يمينك سيارة ومن خلفك سيارة شردت فعلك ؟

والله اني اكفخ البريك واخلي القلص مال الجمس عنده في السيارة """"

أنه واحد ماشئ أمامك بسيارته وانته خلفه فجأة ينعطف بدون أي اشارة حتى كدت ان تصدمة من الخلف خبرونى شو ردة فعلكم ؟

يمكن اسوي ؟؟؟؟؟؟؟ ويمكن اني اخليه ودعيله بالهداية ......

انه انت تريد توقف في موقف للسيارات طبعا بعد بحث لقيتلك موقف وفجأه يجي واحد ويسبقك للموقف بدون اي اعتبار لك شو موقفكم يكون ؟

انتظره لين يروح المكان اللي يبغيه وبعدها اكب آيل بريك على السيارة ........

أنه انت تقود بسيارتك وبسرعة كبيرة ويدخل عليك واحد بسيارته ويسوق على مهلة لدرجة انك دست على الفرامل بقوة شو ردة فعلكم ؟

قسم بالله اني امسك فالهرن لين يبعد
بعدها ؟؟؟؟؟؟؟؟؟ وانا رايح ........

أنه انته صاف طابور بسيارتك فى الزحمة يحدث كثير وبالساعات ويجي واحد توه واصل ويصف امامك شو ردة فعلكم ؟

هذي انا اسويها في الناس مب العكس ...........

وتحياتي لك

بوراشد البوعينين

عينين2008

28-10-2007, 08:36 PM

صح السانك السواقه فن بس الغشامه كثيره

capt-Mohammad

28-10-2007, 08:58 PM

ياحلو الطيارات.. كلن يمشي على النظام.. حتى الركاب رابطين الاحزمه. اش زينهم

الناس في العاده اذا بتقلع الطيارة .. يتشهدون
أنا اذا ركبت السيارة اتشهد واسمي بالله .. عشان اذا دعمت احد ومات.. يكون ذبح اسلامي..

مشكور على الموضوع الحلو عينين

تحيــاتي

3inain

29-10-2007, 09:43 AM

بوراشد مشكور على المرور والمشاركه والله يستر عليك

عينين 2008 تسلم على التعليق الحلو

كابتنا ههههههههههههه تسلم على المشاركه والتعليق الحلو

همس الحروف

29-10-2007, 10:04 AM

أنه واحد ملحم وراك بالسيارة ويعطيك ( يفوللك )(( يكبسلك )) (( يديملك )) يبي يتجاوزك ومن يمينك سيارة ومن خلفك سيارة شردت فعلك ؟

لو انا مكان السواق اللي يسوق كان اول شي ارتفع ضغطي منه :sss (3): وبكبس له زي ميكبس لي واصلا مايقدر يدعمني لاني مراح اوخر <<< بدت النذاله خخخخخخ وحتى لو بيصير الخطاء منه ..

أنه واحد ماشئ أمامك بسيارته وانته خلفه فجأة ينعطف بدون أي اشارة حتى كدت ان تصدمة من الخلف خبرونى شو ردة فعلكم ؟

عادي تصيييييير واجد بس انعدي لهم...

انه انت تريد توقف في موقف للسيارات طبعا بعد بحث لقيتلك موقف وفجأه يجي واحد ويسبقك للموقف بدون اي اعتبار لك شو موقفكم يكون ؟

عادي اضحك على نفسي وروح ادور لي موقف ثاني يعني اش بسويله بنزله مثلا بقوله وخر عن الموقف انا كنت بوقف مكانك ماتصير ذي اصلا فشيله ولا وبلقى الجواب اللي يسكتني لانه بيقول لي الموقف مو موقف ابوج خخخخخخخخخخ وذيك الساعه بيطيح وجهي..

أنه انت تقود بسيارتك وبسرعة كبيرة ويدخل عليك واحد بسيارته ويسوق على مهلة لدرجة انك دست على الفرامل بقوة شو ردة فعلكم ؟

اكبس له لين يوخر عني والا اروح من الطريق الثاني..

أنه انته صاف طابور بسيارتك فى الزحمة يحدث كثير وبالساعات ويجي واحد توه واصل ويصف امامك شو ردة فعلكم ؟

اطلق له هرن ومااخليله مجال يجي قدامي <<< النذاله كلهاااا:sss (93):

تسلم اخوي على الاسئله الحلوه

وتقبل مروري:sss (89):